...

Bakıda jurnalistlərin peşəkarlıq səviyyəsinin artırılması məqsədilə treninqlər təşkil ediləcək - AŞ Katibliyinin təmsilçisi

Cəmiyyət Materials 26 İyun 2008 05:40 (UTC +04:00)

Fransa, Strasburq, 26 iyun/ Trend , müxbir A. Məhərrəmli/Biz Azərbaycanda seçkilər üçün hazırlanmış fəaliyyət planı çərçivəsində yardım xarakterli fəaliyyətlərə xüsusi diqqət yetirəcəyik. Bu məqsədlə cari ilin iyul və avqust aylarında Bakıda jurnalistlərin peşəkarlıq səviyyəsini artırmaq məqsədilə altı treninq təşkil ediləcək. Bu barədə Trend -a ekskluziv açıqlamasında Avropa Şurası Katibliyinin İnsan Hüquqları və Hüquqi Məsələlər Baş Direktorluğunun Hüquq və İnsan Hüquqları üzrə İmkan Quruculuğu Bölməsinin proqram məsləhətçisi, Azərbaycanda KİV məsələləri üzrə məsul əməkdaşı xanım Françeska Klopfer (Franziska Klopfer) məlumat verib. Onun sözlərinə görə, cari ilin iyul ayının 16-da Bakıda їKIV-in demokratiyada roluї mövzusunda konfrans keçiriləcək."Bundan əlavə biz seçki kampaniyası ərəfəsində KİV-in müstəqil monitorinqini aparacayıq" deyə o bildirib.

Klopfer həmçinin əlavə edib ki, cari ilin 19-22 fevral tarixlərində  Bakıya səfər zamanı mətbuata çıxış, efir və radio vaxtının tənzimlənməsi və böhtana dair fəaliyyətlərin təşkil edilməsi qərara alınıb.

Avropa Şurasının KİV sahəsi üzrə missiyası 19-22 fevral 2008-ci il tarixlərində Bakıya səfər  edib. Səfər KİV sahəsində ehtiyacların dəyərləndirilməsi, proqram planlaşdırılması, Azərbaycanla KİV sahəsində əməkdaşlıq ehtiyacları haqqında ətraflı məlumat toplaması məqsədi daşıyıb.

Avropa Şurasının Aİ-nin Avropa Demokratiya və İnsan Hüquqları Mexanizmi ilə 2008-2009-cu illər üçün Cənubi Qafqaz və Moldovada İfadə və informasiya azadlığı üzrə imzaladığı Birgə Proqram çərçivəsində Azərbaycan üçün KİV sahəsində 10-15 fəaliyyətin həyata keçirilməsi nəzərə tutulur.

Xəbər lenti

Xəbər lenti