Azərbaycan, Bakı, 01 iyul / Trend , müxbir T.Cəfərov/ İslam Konfransı Təşkilatına üzv olan ölkələrin turizm nazirlərinin 6-cı sammiti bu gün Dəməşqdə öz işinə başlayıb.
Suriyanın Baş naziri Məhəmməd Naci Ətrinin də qatıldığı sammit iki gün davam edəcək. Sammitdə İslam Konfrası Təşkilatına üzv olan 57 ölkənin turizm nazirləri iştirak edir.
Sammitdə İslam Konfransı Təşkilatına üzv olan ölkələrin turizm nazirləri əsasən ölkələrin turizm sahəsində bazar təminatı, islam ölkələri və millətləri arasında qarşılıqlı anlayışın artması, iqtisadi əməkdaşlıq sahəsində lazimi şəraitin yaradılması, turizm sahəsində islam ölkələrinin beynəlxalq səviyyədə təmsil olunması, İslam İnkişaf Bankının islam ölkələrində turizm sahələrini genişləndirmək üçün güzəştlər tətbiq etməsi kimi məsələlər müzakirə olunacaq.
Məqalə müəllifi ilə əlaqə ünvanı: [email protected]
