Ukrayna, Kiyev, 03 oktyabr/ Trend , müxbir Z.Novosvitski/"Kriminal nüfuz sahibi"Rövşən Canıyevin vəkili Aleksandr Saponov müdafiə etdiyi şəxslə bağlı yardım üçün Avropa Şurasına müraciət etmək niyyətindədir. Canıyev Azərbaycan hüquq -mühafizə orqanları tərəfindən axtarılığına görə saxılanılıb.
Bu barədə vəkil cümə günü UNİAN -da keçirilmiş mətbuat konfransında məlumat verib.
"İnsan hüquqlarının müdafiəsi Beynəlxalq Liqası ilə birlikdə Avropa Şurasına müraciət etməklə bağlı qərar qəbul edilib. Bu ,Canıyevin Azərbaycana verilməməsi üçün edilib, orada onu fiziki divan gözləyir. Bunun üçün biz bütün hüquqi üsullardan istifadə edəcəyik", - Saponov bildirib.
Canıyev onun atasını qətlə yetirmiş şəxsi öldürdüyünə görə 1996-cı ildə Azərbaycanda həbs olunub və 2 il həbsxana həyatı yaşayıb. O, 2002-ci ildə Rusiya Federasiyası vətəndaşlığını alıb və bu ölkəyə köçüb.
Vəkilin fikrincə, Ukrayna tərəfi Canıyevin verilməsinə tələsməməlidir. Bundan başqa, o hesab edir ki, Ukrayna tərəfi Canıyevi RF vətəndaşı kimi təhvil verə bilər. Bu, sözü gedən ölkənin onunla bağlı qərar qəbul edə bilməsi üçün lazımdır.
2008-ci il fevralın 13-də Kiyevdə mütəşəkkil cinayətkarlıqla mübarizə üzrə baş idarənin əməkdaşları xüsusi əməliyyatda RF vətəndaşı, 1975-ci il təvəllüdlü, "qanuni oğru", cinayətkar aləmdə "Lənkəranlı Rövşən"kimi tanınan Rövşən Canıyevi saxlayıblar. O, Azərbaycan Respublikası Daxili İşlər Nazirliyi tərəfindən ağır cinayətlər törətdiyinə görə beynəlxalq axtarışa verilib. Azərbaycanda onunla bağlı qətimkan tədbiri kimi, həbs seçilib.
Ukraynanın milliyyət və din işləri üzrə Dövlət Komitəsi iyunun 10-da Rusiya Federasiyasının vətəndaşı Canıyevə siaysi sığınacaq və müvafiq status verib.
