Azərbaycan, Bakı, 06 oktyabr/ Trend Life, müxbir Eldar Hüseynzadə/ Gənc azərbaycanlı rejissor Asif Rüstəmov Almaniyanın Kotbus şəhərində keçirilən beynəlxalq kino festivalına dəvət olunub. "Festivalın əsas məqsədi təkcə filmlərə baxışın keçirilməsi deyil, həm də Şərqi Avropa kinematoqrafçılarının yeni adları ilə tanışlıqdır. Mən oradakı avropalı prodüserlərə "Axınla aşağı" yeni layihəmi təqdim etmək üçün gedirəm", - Trend Life-a Rüstəmov bildirib.
O, Kotbus festivalında bir neçə beynəlxalq festival və müsabiqələrin mükafatçısı olmuş yeni "Ev" filmini də təqdim edəcək. Festival öz məhsulunu satmağa şərait yaradan kino bazarı rolunu da oynayacaq. Rüstəmov festivalda rejissor Alisa Cabbarovanın "Ev" və "Qovşaq" filmlərini nümayiş etdirəcək. Hər iki film "Dərviş" prodüser mərkəzinin bazasında çəkilib.
Rüstəmov Azərbaycanın istedadlı rejissorudur. Onun "Ev" layihəsi "Bu meydan, bu ekran" müsabiqəsinin qalibi olub. O, həmçinin Roma və Kuba festivallarının laureatıdır.