Azərbaycan, Bakı, 07 oktyabr / , müxbir K.Zərbalıyeva/ Ədliyyə Nazirliyinin Penitensiar Xidməti "Zerkalo" qəzeti ilə barışıq əldə edib.
Penitensiar Xidmətin İctimaiyyətlə Əlaqələr İdarəsinin rəhbəri Mehman Sadıqov çərşənbə axşamı Trend -a bildirib ki, "Zerkalo" qəzetinin bugünkü nömrəsində qəzetdə dərc olunmuş yazılarla bağlı təkzib verilib.
Bu səbəbdən də iddiaçı Bakının Yasamal rayon məhkəməsinə iddianı geri götürmək üçün müraciət edəcək.
"Zerkalo" qəzetində "Ölüm cəzası", "Açıq vərəm zonası", "Qobustan qəbiristanlığı" adlı məqalələr dərc olunub. Buna görə Ədliyyə Nazirliyi Penitensiar Xidməti məhkəməyə müraciət edərək məqalə müəllifi Alyona Myasnikovanın 50 min manat həcmində cərimələnməsini və "Zerkalo" qəzetinin isə təkzib verməsini tələb edib.
Müəlliflə əlaqə saxlamaq üçün elektron ünvan- [email protected]
