Azərbaycan, Bakı, 13 noyabr/ Trend , müxbir R.Ergün/ Azərbaycanın kişilərdən və qadınlardan ibarət şahmat üzrə yığma komandalarının Ümumdünya Şahmat Olimpiadası ilk turunun rəqibləri məlum olub. Bu barədə cümə axşamı Trend - a Azərbaycan Şahmat Federasiyasının (AŞF) mətbuat xidməti məlumat verib.
Püşkatmaya görə, Olimpiadanın ilk turunda Azərbaycanın kişilərdən ibarət şahmat yığması Makedoniya komandası ilə görüşəcək.
Azərbaycanın qadın şahmatçıları ilk turda Rusiya yığmasının üzvləri ilə qarşılaşacaqlar.
Olimpiadada ilk turun görüşləri bu gün axşam saatlarında keçiriləcək.
Ümumdünya Şahmat Olimpiadası Almaniyanın Drezden şəhərində təşkil olunub.
Məqalə müəllifi ilə əlaqə ünvanı: [email protected]