Azərbaycan, Bakı, 26 noyabr / Trend , müxbir C.Babayeva/ Azərbaycanın Ekologiya və Təbii Sərvətlər Nazirliyi qış aylarında meşələrin qırılmasının qarşısını almaq məqsədilə hospital, məktəb və hərbi hissələri 47 min kubmetr odunla təmin edib.
"Nazirlik odunu yıxılmış, qurumuş ağaclardan əldə edib. Azərbaycanın istilik balansında odun olmasa da, reallıqları nəzərə alaraq, Nazirlik bu addımı atıb", - deyə ekologiya və təbii sərvətlər naziri Hüseyn Bağırov çərşənbə günü jurnalistlərə bildirib.
Trend - un arayışı: Azərbaycanda qış aylarında bəzi rayon və ucqar kəndələrdə meşələrin qırılması faktları aşkar olunur. Azərbaycanda 989,4 hektar meşə fondu var.
Nazir meşələrə nəzarətin gücləndirildiyini deyib. "Meşələrə nəzarət həyata keçirən şəxslər də bəzən meşələrin qırılmasına şərait yaradır və buna görə də işlərindən uzaqlaşdırılırlar",- deyə Bağırov bildirib.
Məqalə müəllifi ilə əlaqə saxlamaq üçün ünvan: [email protected]