Azərbaycan, Bakı, 19 may / Trend , müxbir C.Babayeva /
Azərbaycan gənclərinin xaricdə təhsili üzrə Dövlət Proqramının internet saytı çərşənbə axşamı istifadəyə verilib.
Sayt Dövlət Poqramı çərçivəsində təhsil alanların seçim qaydaları, təhsil alanlar barədə ictimai məlumatlandırma, proqram çərçivəsində xarici ölkələrin ali məktəblərinin məzunlarının işlə təmin olunmaları məqsədi ilə yaradılıb.
Təhsil Nazirliyi tərəfindən yaradılan www.xaricdetehsil.edu.gov.az saytı "2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı"nın həyata keçirilməsi üçün tədbirlər planına uyğun olaraq hazırlanıb.
Elektron bazada Dövlət Proqramına aid hüquqi normativ sənədlər toplusu, "Seçim qaydaları"na uyğun mütəmadi olaraq xarici ölkələrin ali məktəblərinə qəbul haqqında müvafiq elanlar, məzunlar və tələbələr haqqında məlumat yerləşdirilib.
Hazırda Dövlət Poqramı çərçivəsində dünyanın 17 ölkəsinin 81 ali məktəbində təhsilin müxtəlif pillələrində müxtəlif ixtisaslar üzrə 186 azərbaycanl gənc təhsil alır. Dövlət Proqramının şərlərinə görə, bu tələbələrin bütün xərcləri dövlət tərəfindən ödənilir.
Məqalə müəllifi ilə əlaqə ünvanı: [email protected]