Azərbaycan, Bakı, 9 oktyabr / Trend , müxbir M.Əliyev/
Azərbaycan təhsil nazirinin müavini hesab edir ki, ölkənin şahmat məktəblərində məşqçi çatışmazlığı var.
"Çalışırıq ki, bədən tərbiyəsi inistutunda hazırlanan müəllimləri rayon şahmat məktəblərinə göndərək", Trend -un məlumatına görə, bunu cümə günü "Azərbaycan Respublikasında 2009-2014-cü illərdə şahmatın inkişaf etdirilməsi üzrə Dövlət Proqramı" ilə bağlı keçirilən tədbirdə təhsil nazirinin müavini Elmar Qasımov bildirib.
Hazırda Azərbaycanda 1096 şahmat müəllimi, 35 minə yaxın məktəbli şahmatçı və 66 şahmat məktəbi var.
Məqalə müəllifi ilə əlaqə ünvanı: [email protected]