Azərbaycan, Bakı, 12 yanvar / Trend , müxbir M.Əliyev/
Azərbaycanın Nazirlər Kabineti "Məktəbə hazırlığın təşkili qaydaları"nı təsdiq edib. Bu barədə Nazirlər Kabinetinin məlumatında deyilir.
Qərara əsasən, məktəbəqədər təhsil müəssisələrində məktəbəhazırlıq qrupları 5 yaşdan 6 yaşadək uşaqlar üçün nəzərdə tutulub və bütün məktəbəqədər təhsil müəssisələrində təşkil olunmalıdır.
Məktəbəhazırlığın əsas məqsədi 5 yaşlı uşaqların tələb və imkanlarını nəzərə almaqla, onların məktəbəhazırlıq mərhələsində inkişafı, tərbiyəsi və təhsili prosesini təşkil etməkdir.
Qərarda deyilir ki, məktəbəqədər qruplarda həftədə, hər məşğələnin müddəti 25-30 dəqiqə olmaqla, 12 məşğələ təşkil olunmalıdır.