Azərbaycan, Bakı, 5 fevral / Trend , müxbir M.Əliyev/
Günün ikinci yarısına kimi Bakıda çovğunun səngiməsi gözlənilir, Azərbaycan Ekologiya və Təbii Sərvətlər Nazirliyinin Hidrometroloji Proqnozlar Bürosu cümə günü Trend -a məlumat verib. Axşam saatlarında havanın temperaturu aşağı düşəcək.
Abşeron yarımadasında fevralın 5-dən 7-nə kimi şimal küləyinin sürəti 15-20 m/saniyəyə, bəzi vaxtlarda 23-25 m/saniyyəyə, ayrı-ayrı yerlərdə isə güclənərək 28-33 m/saniyyəyə çatacaq. Çovğun gözlənilir, yollar buz bağlayacaq.
Azərbaycan rayonlarında hava yaxın üç gün ərzində qəfildən pisləşəcək, qar yağacağı proqnozlaşdırılır. Bu barədə Hidrometeoroloji Proqnozlar Bürosunun məlumatında deyilir. Gecə havanın temperaturunun 2-5 dərəcə şaxta, gündüz isə 2 dərəcə şaxtadan 2 dərəcəyədək isti olacağı gözlənilir. Fevralın 6-da bəzi bölgələrdə çovğun gözlənilir.