Azərbaycan, Bakı, 12 aprel /Trend, müxbir M.Əliyev/
Bu ilin mayında Bakı şəhərində 50 bukmeker kontoru (mərcxana) açılacaq. - Trend-in məlumatına görə, bu barədə bazar ertəsi jurnalistlərə gənclər və idman naziri Azad Rəhimov deyib.
"İlkin mərhələdə bu işə Bakıda başlanılacaq. Avqustda isə ölkə üzrə 300 belə mərcxananın yaradılması gözlənilir", - Rəhimov deyib.
Rəhimov mərcxanaların kafe və çayxanalarda da olacağını mümkün sayıb.
Gənclər və İdman Nazirliyində Türkiyə şirkəti "İnteltex"lə birgə totalizator işini aparacaq "Azəridmanservis" şöbəsi yaradılıb.
"Dövlət totalizatordan 70%, Azərbaycan Futbol Federasiyaları Assosiasiyası (AFFA) isə 30% gəlir əldə edəcək.