Azərbaycan, Bakı, 18 may /Trend, müxbir H.Bağırov/
Qəsdən adam öldürməyə cəhddə təqsirli bilinən Azərbaycan Respublikası Dövlət Neft Şirkətinin keçmiş əməkdaşına hökm oxunub.
Trend-in məlumatına görə, bu gün Ağır Cinayətlərə Dair İşlər üzrə Məhkəmədə Azərbaycan Respublikası Dövlət Neft Şirkətinin "Azneft" İstehsalat Birliyinin neft-qaz çıxarma sənayesi sexinin rəisi işləmiş Pərviz Hacıyev 4 il 6 ay müddətinə azadlıqdan məhrum edilib.
Hacıyev Bakının Yasamal rayonunda münaqişə zəminində Cabbar Qənbərovu bıçaqlayıb. Yaralı ağır vəziyyətdə xəstəxanaya yerləşdirilib, vaxtında tibbi yardım göstərildiyindən onun həyatını xilas etmək mümkün olub.
Hacıyev isə həbs edilib.