Azərbaycan, Bakı, 22 may /Trend, müxbir M.Əliyev/
Azərbaycanın Ekoloji Standartların Monitorinqi Fondu və "İrəli" İctimai Birliyi beynəlxalq biomüxtəliflik günü ilə əlaqədar şənbə günü maarifləndirmə kampaniyası keçirib. Kampaniya çərçivəsində Bakıda, əhalini biomüxtəlifliyin qorunması ilə bağlı maarifləndirən 5 000 buklet paylanıb.
Beynəlxalq biomüxtəliflik gününə həsr olunmuş tədbirin gedişində, BMT-nin İctimaiyyətlə Əlaqələr Departamentinin nümayəndəsi İqrar Əliyev biomüxtəliflikdən bəhs edən videoçarxı tədbir iştirakçılarına nümayiş etdirib.
Monitorinq Fondu və "İrəli" Azərbaycanda Ekologiya ili çərçivəsində əməkdaşlığı bundan sonra da davam etdirmək fikrindədirlər.