Azərbaycan, Bakı, 31 may /Trend, müxbir H.Bağırov/
Azərbaycanda qəsdən adam öldürməkdə təqsirli bilinən hərbi qulluqçuya hökm oxunub.
Trend-in məlumatına görə, bu gün Ağır Cinayətlərə Dair İşlər Üzrə Hərbi Məhkəmənin hökmü ilə həyat yoldaşını qətlə yetirməkdə təqsirləndirilən Müdafiə Nazirliyi "N" saylı hərbi hissəsinin hərbi qulluqçusu, gizir Rahid Orucov 12 il 6 ay müddətinə azadlıqdan məhrum edilib.
Orucov ötən ilin noyabrın 11-də Müdafiə Nazirliyinin Gəncə şəhərində yerləşən hərbi şəhərciyində həyat yoldaşı Pərvanə Orucovanı ailə münaqişəsi zəminində bıçaqlayaraq qətlə yetirib.
