Аzərbaycan, Bakı, 26 avqust / Trend, müxbir М.Əliyev/
İstirahət günlərində Azərbaycanda havanın temperaturunun artacağı gözlənilir. Bu barədə cümə axşamı Azərbaycan Ekologiya və Təbii Sərvətlər Nazirliyi Milli Hidrometeorologiya Departamenti hidrometeoroloji proqnozlar bürosunun direktoru Umayra Tağıyeva bildirib.
"Azərbaycanda avqustun 28-dək qeyri-sabit hava şəraiti proqnozlaşdırılır, axşam və gecə saatlarında bəzi rayonlarda qısamüddətli yağış yağacağı gözlənilir. Gündüz Bakı və Abşeron yarımadasında temperatur, təxminən, 31-34 dərəcə, aran rayonlarında 30-35 dərəcə, ölkənin dağlıq rayonlarında isə 17-22 dərəcə təşkil edəcək", - Tağıyeva deyib.
Onun sözlərinə görə, istirahət günləri paytaxtda temperatur 35-37, aran rayonlarında 38, dağlıq rayonlarda isə 25 dərəcəyə qədər yüksələ bilər.
"Həftənin sonunda havanın temperaturu artsa da, bu yüksəliş iqlim normalarına uyğun gələcək; yəni, kəskin istilər artıq gözlənilmir - sentyabrın əvvəllərində mülayim hava şəraiti proqnozlaşdırılır", - Tağıyeva deyib.