Azərbaycan, Bakı, 13 sentyabr /Trend, müxbir M.Əliyev/
Həftənin birinci yarısında Azərbaycanda havaların yağıntılı olacağı gözlənilir. Bu barədə Ekologiya və Təbii Sərvətlər Nazirliyinin məlumatında deyilir.
İlk üç gün ərzində Bakıda və Abşeron yarımadasında gündüz havanın temperaturunun 25-30 dərəcə isti olacağı, bazar ertəsi küləyin cənubdan şimal-qərb istiqamətində dəyişəcəyi gözlənilir.
Yarımadanın bəzi yerlərində gecə və səhər saatlarında yağış yağacağı ehtimalı var.
Həftənin ilk üç günü ərzində Azərbaycanın regionlarına dolu düşəcəyi və qısamüddətli yağış yağacağı gözlənilir. Gündüzlər temperatur 24-29, gecələr 17-21 dərəcə olacaq.