İslam Konfransı Təşkilatına (İKT) üzv ölkələrin iştirakı ilə "Sağlam səyahət" mövzusunda ilk konfrans noyabrın 2-4-də İranın Məşhəd şəhərində keçiriləcək. Bu barədə MEHR xəbər agentliyi məlumat verir.
Məlumata əsasən, konfransda İKT-yə üzv 57 ölkədən nümayəndələr iştirak edəcəklər. Konfransda İKT rəsmiləri, İslami İnkişaf Bankının rəsmiləri, İKT-yə üzv ölkələrin səhiyyə nazirləri, İran xəstəxanalarının və turizm şirkətlərinin rəhbərləri iştirak edəcəklər.
Konfransın keçirilməsində məqsəd, İslam ölkələri arasında səhiyyə xidmətlərinin keyfiyyətinin artırılması, müalicə məqsədi ilə İKT-yə üzv ölkələrə olunan səfərlər üçün standartların təsdiqi, müalicə məqsədi ilə baş tutan səfərlərin təşkili üçün xəstələr və təşkilatların ehtiyaclarını təmin etməkdir.