Azərbaycan, Bakı, 9 mart /Trend, müxbir M.Əliyev/
Sabah Azərbaycanda hava şəraiti əsasən yağmurlu olacaq. Bu barədə Trend-ə çərşənbə günü Ekologiya və Təbii Sərvətlər Nazirliyi Milli Hidrometeorologiya Departamentindən məlumat verilib.
Bakıda və Abşeron yarımadasında martın 10-da hava şəraitinin buludlu olacağı, əsasən gecə və səhər bəzi yerlərdə yağıntılı olacağı, gündüz havanın arabir açılacağı gözlənilir. Mülayim şimal küləyi əsəcək.
Havanın temperaturu gecə 1-3, gündüz 5-7 dərəcə isti təşkil edəcək.
Azərbaycanın rayonlarında isə martın 10-da hava şəraitinin fasilələrlə yağıntılı olacağı, dağlıq və dağətəyi rayonlarda sulu qar, qar yağacağı gözlənilir. Səhər ayrı-ayrı yerlərdə duman olacaq. Şərq küləyi əsəcək.
Havanın temperaturu gecə 1-4, gündüz 5-10 dərəcə isti, dağlarda gecə 3-8 dərəcə şaxta, gündüz 2 dərəcə şaxtadan 3 dərəcəyədək isti təşkil edəcək.