Azərbaycan, Bakı, 30 mart /Trend, müxbir T.Hacıyev/
"Hünər" vətənpərvərlik mahnıları müsabiqəsi çərşənbə günü M.Maqomayev adına Azərbaycan Dövlət Filarmoniyasında baş tutacaq. Bu barədə Trend-ə Gənclər və İdman Nazirliyinin mətbuat xidmətindən məlumat verilib.
"Hünər" VI vətənpərvərlik mahnıları müsabiqəsinin seçim turu martın 29-da keçirilib. Bu gün isə müsabiqənin mükafatlandırma mərasimi və yekun konserti olacaq.
Müsabiqədə respublikanın rayon və şəhərlərindən olan gənc ifaçılar iştirak edəcəklər. Qaliblərə nazirliyin Fəxri Fərmanları və qiymətli hədiyyələr təqdim olunacaq.