Azərbaycan, Bakı, 24 may /Trend/
Sabah Azərbaycan ərazisində hava qeyri-sabit keçəcək.
Ekologiya və Təbii Sərvətlər Nazirliyi Milli Hidrometeorologiya Departamentindən çərşənbə axşamı Trend-ə bildiriblər ki, Bakıda və Abşeron yarımadasında mayın 25-də hava şəraitinin buludlu olacağı, gecə və səhər bəzi yerlərdə qısamüddətli az yağış yağacağı gözlənilir.
Gündüz dəyişkən buludlu, əsasən yağmursuz keçəcək. Mülayim şimal-qərb küləyi əsəcək.
Havanın temperaturu gecə 12 -17 dərəcə, gündüz 21-26 dərəcə təşkil edəcək.
Azərbaycanın rayonlarında mayın 25-də arabir yağış yağacağı, şimşək çaxacağı gözlənilir.
Dolu düşəcəyi ehtimalı var. Mülayim qərb küləyi əsəcək.
Havanın temperaturu gecə 12-17 dərəcə, gündüz 22-27 dərəcə, dağlarda gecə 5-10 dərəcə, gündüz 14-19 dərəcə isti təşkil edəcək.