Azərbaycan, Bakı, 17 sentyabr /Trend, müxbir M.Əliyev/
Sentyabrın 17-19-da Azərbaycanda bilyardın sərbəst piramida növü üzrə respublika çempionatı keçiriləcək. Trend-in məlumatına görə, bu barədə Gənclər və İdman Nazirliyindən bildirilib.
Çempionat "Piramida" bilyard klubunun zalında təşkil olunacaq.
Turnirin ilk günündə 16 ən güclü komanda müəyyənləşəcək. Onlar yarışı pley-off qaydasında davam etdicəklər. Sentyabrın 19-da saat 13:00-da çempionatın finalı keçiriləcək.
Gənclər və İdman Nazirliyinin İdman Bilyardı Federasiyasının təşkil etdiyi turnirdə Bakı, Gəncə, Fizuli və Şuşadan 24 idmançı iştirak edəcək.
Mükafatçılar oktyabrın 19-dan 23-dək Kiyevdə keçiriləcək dünya çempioantında iştirak etmək hüququ əldə edəcəklər.