Azərbaycan, Bakı, 21 sentyabr /Trend, müxbir M.Əliyev/
Futbol üzrə Azərbaycan yığma komandası FİFA-nın reytinqində 14 pillə irəlilədi. Trend-in məlumatına görə, bu barədə çərşənbə günü Azərbaycan Futbol Federasiyaları Assosiasiyasının yaydığı məlumatda bildirilir.
Azərbaycan milli komandası 359 xalla 98-ci mövqedə qərarlaşıb.
Azərbaycan yığma komandası sentyabr ayında Avropa Çempionatının seçmə oyunları çərçivəsində Bakıda Belçika ilə heç-heçə (1:1) oynayıb, Qazaxstanı isə 3:2 hesabı ilə məğlub edib.
Növbəti reytinq cədvəli oktyabrın 19-da açıqlanacaq.