...

Azərbaycan sinoptikləri sabah yağmurlu hava şəraiti vəd edir

Cəmiyyət Materials 3 Oktyabr 2011 11:50 (UTC +04:00)
Sabah Azərbaycan ərazisində hava nisbətən yağmurlu keçəcək
Azərbaycan sinoptikləri sabah yağmurlu hava şəraiti vəd edir

Azərbaycan, Bakı, 3 oktyabr /Trend, müxbir T.Hacıyev/

Sabah Azərbaycan ərazisində hava nisbətən yağmurlu keçəcək.

Ekologiya və Təbii Sərvətlər Nazirliyi Milli Hidrometeorologiya Departamentindən bazar ertəsi Trend-ə bildiriblər ki, Bakıda və Abşeron yarımadasında oktyabrın 3-dən 4-nə keçən gecə bəzi yerlərdə qısamüddətli yağış yağacağı, gün ərzində havanın dəyişkən buludlu olacağı, əsasən yağmursuz keçəcəyi gözlənilir. Mülayim şimal-qərb küləyi əsəcək, gündüz cənub-qərb küləyi ilə əvəz olunacaq.

Havanın temperaturu gecə 12-15 dərəcə, gündüz 18-23 dərəcə isti təşkil edəcək.

Azərbaycanın rayonlarında oktyabrın 4-də arabir yağış yağacağı gözlənilir. Gündüz yağışın tədricən kəsiləcəyi, əsasən yağmursuz keçəcəyi gözlənilir.

Havanın temperaturu gecə 9-14, gündüz 20-25, dağlarda gecə 3-8, gündüz 14-18 dərəcə isti təşkil edəcək.

Yaxın 2 gün ərzində Abşeron yarımadasında meteoroloji amillərin mülayim tərəddüdü meteohəssas insanlar üçün əsasən əlverişlidir.

Xəbər lenti

Xəbər lenti