Azərbaycan, Bakı, 12 oktyabr /Trend, müxbir M.Əliyev/
Bakıda oktyabrın 13-də məzun yarmarkası açılacaq. Trend-in məlumatına görə, bu barədə Gənclər və İdman Nazirliyinin mətbuat xidmətindən bildirilib.
Yarmarka saat 11:00-da Azərbaycan Dövlət İqtisad Universitetinin əsas binasında (Bakı şəhər İcra Hakimiyyətinin yanı) təşkil olunacaq və saat 18:00-dək davam edəcəyi gözlənilir.
Yarmarkanın keçirilməsində məqsəd ali təhsil müəssisələrində təhsil alan, eləcə də məzun olmuş gənclərin məşğulluq probleminin həllinə kömək göstərməkdir.