Hollivudun məhşur rejissoru Bakıda çəkilişlər aparır

Azərbaycan, Bakı, 20 dekabr / Trend müxbir M.Əliyev/

Hollivudun məhşur rejissoru Rupert Veynrayt "Bakı Olimpiya Oyunları-2020" xüsusi təbliğat çarxlarının çəkilişlərini aparır. Trend-in məlumatına görə, bunu çərşənbə axşamı jurnalistlərə "Bakı Olimpiya Oyunları-2020" Təşkilat Komitəsinin icraçı direktoru Könül Nurullayeva bildirib.

"Onun rəhbərlik etdiyi şirkət çəkilişlə məşğul olur. Bakıda xüsusi təbliğat çarxlarının çəkilişləri aparılır", - Nurullayeva deyib. O qeyd edib ki, çəkilişlər şəhərin müxtəlif yerləri ilə yanaşı, regionlarda da aparılır.

Təşkilat Komitəsinin icraçı direktoru bildirib ki, təbliğat işinin təşkil olunması üçün yerli ekspertlərlə yanaşı, beynəlxalq ekspertlər də çalışır.