Azərbaycan, Bakı, 27 yanvar /Trend, müxbir K.Zərbalıyeva/
Bu gün Baş prokuror yanında Korrupsiyaya Qarşı Mübarizə İdarəsi ilə korrupsiyaya qarşı mübarizə aparan QHT-lərin məlumat və əməkdaşlıq şəbəkəsi arasında əməkdaşlıq memorandumu imzalanıb.
Trend-in məlumatına görə, memoranduma əsasən, korrupsiyaya qarşı mübarizə sahəsində müxtəlif istiqamətlər üzrə əməkdaşlıq barədə razılıq əldə edilib. Memorandumda davamlı əlaqələr çərçivəsində vətəndaşlarda korrupsiyaya qarşı dözülməz münasibətin - vətəndaş mövqeyinin formalaşdırılması üçün antikorrupsiya biliklərinin yayılması, maarifləndirmə məqsədilə birgə layihələrin keçirilməsi və s. nəzərdə tutulub.
Memorandumu imzalayan şəbəkəyə 23 QHT daxildir. Sənəddə korrupsiya ilə mübarizə üzrə 13 istiqamət müəyyənləşib.