Azərbaycan, Bakı, 16 aprel/Trend, müxbir H. Vəliyev/
Azərbaycan Rabitə və İnformasiya Texnologiyaları Nazirliyi yanında İnternetin inkişafı üzrə Koordinasiya Şurası Azərbaycanın bir sıra internet-servis-provayderinin nümayəndələri ilə görüş keçirib. Trend-in məlumatına görə, bu barədə bazar ertəsi nazirliyin məlumatında deyilir.
"Görüş çərçivəsində "Eurovision-2012" mahnı müsabiqəsinə hazırlıq, göstərilən xidmətlərin keyfiyyətinin artırılması məsələləri, İnternetdə domenlərin bölüşdürülməsi üzrə təşkilatın (ICANN - Internet Corporation for Assigned Names and Numbers) sonuncu iclası çərçivəsində qəbul edilən qərar, Bakıda internetin idarə edilməsi problemlərinin müzakirəsi üzrə beynəlxalq forumun (IGF-Internet Governance Forum) təşkilati məsələləri müzakirə edilib" , - məlumatda deyilir.
Həmçinin şuranın hazırladığı birinci səviyyəli domenlərin qeydiyyatı və istifadəsi qaydaları layihələri üzrə müzakirələr aparılıb.
Görüşün yekunu olaraq müvafiq qərarlar qəbul edilib.