Azərbaycan, Bakı, 20 aprel /Trend, müxbir İ.İsabalayeva/
Yaxın 2 gündə Azərbaycanda hava şəraitinin əsasən yağmursuz keçəcəyi, lakin gecə və axşam saatlarında bəzi dağlıq və dağətəyi rayonlarda şimşək çaxacağı, qısamüddətli yağış yağacağı ehtimalı var. Bu barədə cümə günü Trend-ə Ekologiya və Təbii Sərvətlər Nazirliyinin Milli Hidrometeorologiya Departamentindən məlumat verilib.
Məlumata görə, ayrı-ayrı yerlərdə duman olacaq. Temperatur rejimində mühüm dəyişiklik gözlənilmir. Mülayim cənub küləyi üstünlük təşkil edəcək.
Bakıda və Abşeron yarımadasında aprelin 21-də havanın dəyişkən buludlu olacağı, gündüz əsasən yağmursuz keçəcəyi gözlənilir.
Axşam bəzi yerlərdə duman olacaq. Gündüz mülayim cənub küləyi əsəcək.
Havanın temperaturu gecə 10-14, gündüz 20-25 dərəcə isti olacaq.
Azərbaycanın rayonlarında sabah hava əsasən yağmursuz keçəcək. Lakin gecə və axşam saatlarında bəzi dağlıq və dağətəyi rayonlarda şimşək çaxacağı, qısamüddətli yağış yağacağı ehtimalı var. Ayrı-ayrı yerlərdə duman olacaq. Şərq küləyi əsəcək.
Havanın temperaturunun gecə 10-15, gündüz 22-27, dağlarda gecə 3-8, gündüz 14-19 dərəcə isti olacağı gözlənilir.