Azərbaycan, Bakı, 5 oktyabr / Trend, müxbir A.Bədəlova/
Azərbaycan regional təhlükəsizliyin təmin olunmasında mühüm rol oynayır. Trend-in məlumatına görə, bunu cümə günü Bakıda Yaponiyanın keçmiş xarici işlər naziri Akiko Yamanako II Bakı Beynəlxalq Humanitar Forumunun "XXI əsrdə qloballaşma proseslərinə yeni metodoloji yanaşmalar" mövzusundakı bölmə iclasında çıxış edərkən bildirib.
O, qeyd edib ki, Azərbaycan regionun enerji təhlükəsizliyinin təminatında mühüm rol oynayır.
İclasda çıxış edən Bakı Dövlət Universitetinin rektoru Abel Məhərrəmov bildirib ki, bu gün Azərbaycanın rolu təkcə sosial, iqtisadi və humanitar baxımdan qiymətləndirilmir, bütün dünya Azərbaycana yüksək mənəvi dəyərlərə malik inkişaf etmiş ölkə kimi baxır.
"Bu baxımdan Bakı Humanitar Forumu çox böyük əhəmiyyət kəsb edir", - rektor deyib.