Azərbaycan, Bakı, 28 mart /Trend, müxbir İ.İzzət/
Gəncədə "Qoçu" ləqəbli "avtoritet" saxlanılıb.
Trend-in Daxili İşlər Nazirliyinin mətbuat xidmətinə istinadən verdiyi məlumata görə, daxil olmuş əməliyyat məlumatı əsasında Gəncə Şəhər Baş Polis İdarəsi əməkdaşlarının həyata keçirdikləri əməliyyat tədbiri nəticəsində Gəncə şəhər sakini, əvvəllər dəfələrlə məhkum olunmuş, cinayətkar aləmdə "Qoçu" ləqəbi ilə tanınan Qoca Quliyev martın 28-də saxlanılıb.
Üzərinə baxış zamanı ondan sandıqçasında 5 ədəd patronu olan "TT" markalı tapança aşkar edilərək götürülüb.
Faktla bağlı araşdırma aparılır.