...

Bu günədək 5800-dən çox məhkum barəsində amnistiya aktı tətbiq olunub

Cəmiyyət Materials 19 İyun 2013 20:21 (UTC +04:00)
Bu günədək Azərbaycanda 5800-dən çox məhkum barəsində amnistiya aktı tətbiq olunub.
Bu günədək 5800-dən çox məhkum barəsində amnistiya aktı tətbiq olunub

Azərbaycan, Bakı, 19 iyun /Trend/

Bu günədək Azərbaycanda 5800-dən çox məhkum barəsində amnistiya aktı tətbiq olunub.

Trend Ədliyyə Nazirliyinin rəsmi saytına istinadən məlumat verir ki, onlardan 1700-dən çoxu cəzaçəkmə müəssisələrindən azadlığa buraxılıb, 114 məhkumun cəzasının qalan hissəsi 6 ay azaldılıb, eyni zamanda, icra xidmətinin ayrı-ayrı yerli qurumları tərəfindən 4000-dən çox şəxs ictimai və islah işləri, cərimə və digər cəza növlərindən azad ediliblər.

Hazırda amnistiya aktının icrası davam edir.

Amnistiya qərarının icrası gündəlik olaraq davamlı şəkildə həyata keçirilir və bu prosesdə şəffaflığın və aşkarlığın tam təmin olunması, ictimaiyyətin məlumatlandırılması məqsədilə məhkumların qohumları və yaxınları, vətəndaş cəmiyyətinin, qeyri-hökumət təşkilatlarının, o cümlədən ədliyyə naziri yanında fəaliyyət göstərən İctimai komitənin üzvləri, ombudsmanın, habelə kütləvi informasiya vasitələrinin nümayəndələri yaxından iştirak edirlər.

Qeyd edək ki, may ayının 7-də Heydər Əliyev Fondunun prezidenti, Milli Məclisin deputatı Mehriban xanım Əliyevanın təşəbbüsü ilə parlament tərəfindən qəbul edilmiş "Azərbaycan xalqının ümummilli lideri Heydər Əliyevin 90 illik yubileyi münasibətilə amnistiya elan edilməsi haqqında" Qərarla 9000-dən çox şəxsin müxtəlif cəzalardan azad olunması gözlənir.

Məqalədə:
Xəbər lenti

Xəbər lenti