...

Azərbaycanın Misirdəki səfirliyi tərəfindən Qahirədə iftar süfrəsi təşkil olunub

Cəmiyyət Materials 28 İyul 2013 21:10 (UTC +04:00)
Azərbaycanın Misirdəki səfirliyi tərəfindən müqəddəs Ramazan ayı ilə əlaqədar olaraq Qahirə şəhərində valideyn himayəsindən məhrum olmuş uşaqlar üçün nəzərdə tutulmuş uşaq evində iftar süfrəsi təşkil olunub. Səfirlikdən Trend-ə verilən məlumata görə, mərasimdə uşaq evində təlim-tərbiyə alan 70-dən artıq uşaq və yeniyetmə və bu müəssisəsinin tərbiyəçiləri və müəllim kollektivi iştirak edib.
Azərbaycanın Misirdəki səfirliyi tərəfindən Qahirədə iftar süfrəsi təşkil olunub

Trend-i buradan izləyin

Azərbaycan, Bakı, 28 iyul /Trend/

Azərbaycanın Misirdəki səfirliyi tərəfindən müqəddəs Ramazan ayı ilə əlaqədar olaraq Qahirə şəhərində valideyn himayəsindən məhrum olmuş uşaqlar üçün nəzərdə tutulmuş uşaq evində iftar süfrəsi təşkil olunub. Səfirlikdən Trend-ə verilən məlumata görə, mərasimdə uşaq evində təlim-tərbiyə alan 70-dən artıq uşaq və yeniyetmə və bu müəssisəsinin tərbiyəçiləri və müəllim kollektivi iştirak edib.

Mərasimdə çıxış edən Səfir Ş.Abdullayev qarşıdan gələn Ramazan bayramı münasibətilə uşaq və yeniyetmələri təbrik edərək, uşaqlara göstərdikləri qayğı və diqqətə görə bu təlim-tərbiyə müəssisəsinin kollektivinə öz təşəkkürünü ifadə edib.

Azərbaycan Respublikasının birinci xanımı, Heydər Əliyev Fondunun Prezidenti, YUNESKO-nun və İSESKO-nun xoşməramlı səfiri Mehriban Əliyevanın təşəbbüsü və birbaşa qayğısı sayəsində Azərbaycanda və onun hüdudlarından kənarda həyata keçirilən humanitar layihələrdən ətraflı danışan səfir Ş.Abdullayev bu kimi humanist məramların Azərbaycanın xarici siyasətinin əsas istiqamətlərindən biri kimi özünə yer aldığını qeyd edərək, gələcəkdə də belə tədbirlərin təkrar olunacağını diqqətə çatdırıb.

Mərasim çərçivəsində uşaqlarla hədiyyələr verilib və xatirə şəkilləri çəkdirilib.

Müəssisənin rəhbərliyi və orada tərbiyə alan uşaq və yeniyetmələr tərəfindən müqəddəs Ramazan ayında həyata keçirilən bu xoşməramlı tədbirə görə Azərbaycan Respublikasına dərin minnətdarlıq ifadə olunub.

Xəbər lenti

Xəbər lenti