Azərbaycan, Bakı, 1 avqust /Trend/
Tələbə Qəbulu üzrə Dövlət Komissiyası2013/2014-cü tədris ilində ali təhsil müəssisələrinin müvafiq ixtisaslarına müsabiqədənkənar qəbul olmuş dünya fənn olimpiadalarının, yüksək səviyyəli beynəlxalq yarışların və müsabiqələrin qalibləri olan abituriyentlərin siyahısını açıqlayıb.
Komissiyanın mətbuat xidmətindən Trend-ə verilən məlumata görə, siyahıda 53 abituriyentin adı, iş nömrəsi və qəbul olduğu ixtisas göstərilib. Həmin abituriyentlərdən 3-ü dünya fənn olimpiadalarının, 2-si musiqi sahəsi üzrə yüksək səviyyəli beynəlxalq müsabiqələrin, 48-i isə idman sahəsi üzrə yüksək səviyyəli beynəlxalq yarışların qalibləridir.