Azərbaycan, Bakı, 25 mart /Trend, müxbir İ.İzzət/
Bu gün Mərdəkan yol qovşağından Zaqulba dairəsi istiqamətində nəqliyyat vasitələrinin hərəkəti məhdudlaşdırılacaq.
Nəqliyyatı İntellektual İdarəetmə Mərkəzindən (NİİM) Trend-ə verilən məlumata əsasən, Zaqulba prospektində yol cizgiləri və yol göstərici xətlərin yenidən rənglənməsi işləri aparılır. Bu məqsədlə bu gün - martın 25-də saat 18:00-a qədər Mərdəkan yol qovşağından Zaqulba dairəsi istiqamətində nəqliyyat vasitələrinin hərəkəti qismən məhdudlaşdırılacaq. Məhdudlaşdırma yolun 2 zolağı üzrə olacaq.