Azərbaycan, Bakı, 30 mart /Trend/
Nəqliyyatı İntellektual İdarəetmə Mərkəzi qarlı hava şəraiti ilə əlaqədar sürücülərə müraciət edib.
Trend Mərkəzə istinadən məlumat verir ki, qurum yolların sürükşən olması ilə əlaqədar sürücülərə daha ehtiyatlı olmalarını və ara məsafəsini gözləmələrini tövsiyə edir.
Respublika Dövlət Yol Polisi İdarəsindən Trend-ə verilən məlumata görə, qarlı hava şəraiti yollarda nəqliyyatın hərəkətinə təsir etməyib.
Bununla belə, yol polisi sürücülərə diqqətli olmağı, Bakı-Şamaxı-Yevlax avtomobil yolunun Ağsu aşırımından istifadə etməməyi tövsiyə edir.
Qeyd edək ki, hazırda respublıka ərazisində qarlı, küləkli hava şəraiti müşahidə olunur. Sabahdan havanın temperaturu yüksəlməyə başlayacaq.