Azərbaycan, Bakı, 7 iyul /Trend/
Gəncə təmizlik idarəsinə 4 ədəd "MAZ" markalı manipulyatorlu yeni avtomaşınlar alınıb.
Gəncə avtomobil zavodunun istehsalı olan bu avtomaşınlar əsasən məişət tullantılarını daşıyacaq. Bunun üçün şəhərin müxtəlif ərazilərinə 500 ədəd yeni zibil qutusu qoyulub.
Hazırda idarədə şəhərdəki məişət tullantılarını daşımaq üçün 13 ədəd manipulyatorlu avtomaşın var. Onlardan 3-ü Almaniya istehsalı olan "MAN", 6-sı Çin istehsalı olan "CAK", 4-ü isə Gəncə istehsalı olan "MAZ" avtomaşınlarıdır.