...

Təhsil Nazirliyinə gələn zənglər

Cəmiyyət Materials 3 Noyabr 2014 12:05
Təhsil Nazirliyinin Telefon Məlumat Mərkəzinə (“Qaynar xətt” xidməti, telefon: 146), Kommutator xidmətinə daxil olan zənglər və Vətəndaşların Qəbulu Mərkəzində 2014-cü ilin oktyabr ayında vətəndaşlara göstərilən xidmətlərlə bağlı statistika açıqlanıb.
Təhsil Nazirliyinə gələn zənglər

Trend-i buradan izləyin

Azərbaycan, Bakı, 3 noyabr /Trend, müxbir İlhamə İsabalayeva/

Təhsil Nazirliyinin Telefon Məlumat Mərkəzinə ("Qaynar xətt" xidməti, telefon: 146), Kommutator xidmətinə daxil olan zənglər və Vətəndaşların Qəbulu Mərkəzində 2014-cü ilin oktyabr ayında vətəndaşlara göstərilən xidmətlərlə bağlı statistika açıqlanıb.

Trend nazirliyin saytına istinadən xəbər verır ki, Telefon Məlumat Mərkəzinə 5659 zəng (2013-cü ilin müvafiq dövrü ilə müqayisədə 5,7 dəfə çox) və Kommutator xidmətinə 3000-ə yaxın zəng daxil olub. Vətəndaşların Qəbulu Mərkəzində isə 4990 vətəndaşa xidmət göstərilib.

Telefon Məlumat Mərkəzinə və Vətəndaşların Qəbulu Mərkəzinə daxil olmuş müraciətlər əsasən sorğu xarakterli olub. Müraciətlərin əksəriyyəti dərhal cavablandırılıb və operativ həll edilib. 1234 vətəndaş sorğularına uyğun olaraq, elektron qaydada Təhsil Nazirliyinin müvafiq məsul şəxslərinin qəbuluna yazılıb. Vətəndaşların Qəbulu Mərkəzində 1352 sənəd (528 ərizə, 650 məktub, 174 digər sənəd) qəbul olunub və qeydiyyata alınıb.

Daxil olan müraciətlərdə daha çox diplomların tanınması, müəllimlərin yerdəyişməsi, şagirdlərin ümumi təhsil müəssisələrinə yerdəyişməsi, tələbələrin bir ali təhsil müəssisəsindən digərinə köçürülməsi və bərpası ilə bağlı məsələlər əksini tapıb.

Qeyd edək ki, Telefon Məlumat Mərkəzinə ötən ay ərzində ən çox həftənin çərşənbə (1356 zəng) və cümə (1345 zəng) günləri, əsasən saat 14:00-dan 16:00-dək müraciət olunub. Vətəndaşların Qəbulu Mərkəzinə isə həftənin çərşənbə (1211 müraciət), cümə (1155 müraciət) və cümə axşamı (1138 müraciət) günləri, əsasən saat 10:00-dan 12:00-dək və 14:00-dan 16:00-dək daha çox müraciət edilib.

Məqalədə:
Xəbər lenti

Xəbər lenti