Azərbaycan, Bakı, 6 fevral /Trend, müxbir Elçin Mehdiyev/
Bu günədək Bakıda keçiriləcək ilk Avropa Oyunlarının yayımı ilə bağlı Avropanın 63 yayım şirkəti ilə razılaşma əldə olunub. Trend-in məlumatına görə, bunu cümə günü Bakı 2015-in əməliyyatlar üzrə baş direktoru Saymon Kleq deyib.
Onun sözlərinə görə, Avropa yayım şirkətlərinin 80 faizindən çoxu ilk Avropa Oyunlarını ödənişsiz əsasda yayımlayacaq.
S.Kleq həmçinin bildirib ki, ümumilikdə ilk Avropa Oyunlarının yayımına 148 milyon abonent baxa biləcək.
Baş direktor qeyd edib ki, yayım Avropanın ərazisinin 73 faizini əhatə edəcək.