Azərbaycan, Bakı, 25 fevral /Trend, müxbir İlkin İzzət/
Hərbi Liseydə "Mahir nişançı" güllə atıcılığı turniri keçirilib.
Müdafiə Nazirliyinin mətbuat xidmətindən Trend-ə bildiriblər ki, Cəmşid Naxçıvanski adına Hərbi Liseydə Gənclər və İdman Nazirliyinin Azərbaycan Tələbə Gənclər Təşkilatı ilə birgə tədbiri baş tutub.
Xocalı faciəsinin 23-cü ildönümünə həsr edilmiş "Mahir nişançı" güllə atıcılığı üzrə IX Respublika turnirində ölkəmizin 27 ali və orta ixtisas təhsil müəssisələrinin 100-dən artıq tələbəsi iştirak edib.
Turnirin sonunda qaliblər fəxri fərman və qiymətli hədiyyələrlə təltif ediliblər.