Azərbaycan, Bakı, 3 mart /Trend/
Bu gün Bakı Dövlət Universitetində (BDU) od çərşənbəsi qeyd olunub.
Universitetin Mətbuat və informasiya şöbəsindən Trend-ə verilən məlumata görə, BDU-nun professor-müəlim və tələbə heyətinin iştirakı ilə keçirilən tədbirdə tələbələrin iştirakı ilə tonqal qalanıb, çərşənbə ilə bağlı maraqlı fikirlər səsləndirilib.
Universitetin rektoru, akademik Abel Məhərrəmov od çərşənbəsi, ümumiyyətlə, Novruzla bağlı fikirlərini bölüşüb, universitet kollektivini bu münasibətlə təbrik edib.
