Azərbaycan, Bakı, 15 iyul /Trend, müxbir Azad Həsənli/
Sosial müavinətlər Azərbaycan vətəndaşları 2015-ci il iyulun 20-dən etibarən "Kapital Bank" ASC-nin şöbə və filiallarında plastik kartlarını yeniləyə biləcəklər. Trend-in məlumatına görə, bunu jurnalistlərə əmək və əhalinin sosial müdafiəsi naziri Səlim Müslümov deyib.
Daha əvvəl bu xidmətləri "Kapital Bank"la yanaşı, Azərbaycan Beynəlxalq Bankı (ABB) da göstərirdi.
İndi ABB-nin bankomatlarından müavinət və təqaüd alan vətəndaşlar onları yalnız "Kapital Bank"ın bankomatları vasitəsilə əldə edəcəklər.
Əgər ABB-nin plastik kartlarında hələ də çıxarılmamış məbləğ (müavinət və təqaüd) qalıbsa, onları Beynəlxalq Bankın filiallarından almaq olar. Kartda qalmış vəsaitin ABB-dən alınması ilə bağlı problem yaranarsa, vətəndaşlar Əmək və Əhalinin Sosial Müdafiəsi Nazirliyinə müraciət edə bilərlər.