...

Bakıda metronu su basıb

Cəmiyyət Materials 7 Oktyabr 2015 14:59 (UTC +04:00)
Metronun "Elmlər Akademiyası" stansiyasını su basıb.
Bakıda metronu su basıb

Azərbaycan, Bakı, 7 oktyabr /Trend, müxbir Elmir Murad/

Metronun Elmlər Akademiyası stansiyasını su basıb.

Trend-in hadisə yerində olan əməkdaşının verdiyi məlumata görə, suyun axması insanların gediş-gəlişində maneələr yaradıb.

Məsələ ilə bağlı Trend-ə açıqlama verən "Bakı Metropoliteni" QSC-nin Mətbuat xidməti və ictimaiyyətlə əlaqələr şöbəsinin rəisi Nəsimi Paşayev suyun eskalatorlardan axdığını deyib.

Onun sözlərinə görə, hazırda axan suyun qarşısı alınıb və insanların gedişində heç bir problem yoxdur: "Suyun axmasına səbəb eskalatorların üzərində yerləşən "Bakı Metropoliteni" QSC-nin inzibati binasında borunun partlaması olub. Qəza yerinə gedən əməkdaşlarımız borunu bərpa edərək axan suyun qarşısını alıb. Hazırda metroda hər hansı bir problem yoxdur".

Məqalədə:
Xəbər lenti

Xəbər lenti