Bakı. İlhamə İsabalayeva - Trend:
Təhsil Nazirliyi ölkə ərazisində müşahidə edilən qeyri-sabit hava şəraiti ilə əlaqədar olaraq, məktəblərə istiliyin tez verilməsi üçün müvafiq dövlət qurumuna müraciət edib.
Təhsil Nazirliyindən Trend-in sorğusuna cavab olaraq, bildirilib ki, maye yanacaqla qızdırılan məktəblərə yanacaqların verilməsi prosesi bir müddət olar ki, başlayıb. Fərdi qazanxanası olan məktəblər isə istiliklə təmin olunub. Qeyri-sabit hava şəraiti ilə əlaqədar olaraq, məktəblərə istiliyin tez verilməsi ilə bağlı müvafiq dövlət qurumuna müraciət olunub.