Bakı. Trend:
Bu il payız fəslinin Azərbaycana nə vaxt gələcəyi açıqlanıb.
Trend-in AMEA-ya istinadən verdiyi məlumata görə, Nəsirəddin Tusi adına Şamaxı Astrofizika Rəsədxanasının elmi işlər üzrə direktor müavini, fizika üzrə fəlsəfə doktoru Xıdır Mikayılov bildirib ki, payız fəslinin Azərbaycana gəlişi sentyabrın 23-ü Bakı vaxtı ilə saat 00:02-də olacaq. Bu tarixdə yay fəsli başa çatacaq və ölkə ərazisinə payız fəsli daxil olacaq.
Onun sözlərinə görə, qış isə ölkəmizə dekabrın 21-i Bakı vaxtı ilə saat 20:28-də gələcək.