...

Aeroportda saxta pasportla İran vətəndaşları saxlanılıb (FOTO)

Cəmiyyət Materials 9 Yanvar 2018 13:50 (UTC +04:00)
Aeroportda saxta pasportla İran vətəndaşları saxlanılıb
Aeroportda saxta pasportla İran vətəndaşları saxlanılıb (FOTO)

Trend-i buradan izləyin

Bakı. Elçin Mehdiyev - Trend:

Aeroportda saxta pasportla İran vətəndaşları saxlanılıb.

Bu barədə Trend-ə Dövlət Sərhəd Xidmətinin (DSX) Mətbuat Mərkəzindən məlumat verilib.

Yanvarın 4-də həyata keçirilmiş tədbirlər nəticəsində sərhədçilər tərəfindən Heydər Əliyev Beynəlxalq Aeroportunda saxtalaşdırılmış Böyük Britaniya vətəndaşlarına məxsus pasportlarla Bakı-London reysi ilə Böyük Britaniyaya getmək istəyən 30.06.1978-ci il təvəllüdlü Cimen Aysegül və övladı 22.12.2009-cu il təvəllüdlü Cimen Zeynebsu davranışları şübhə doğurduğundan saxlanılıblar.

Aparılmış araşdırmalar nəticəsində həmin şəxslərin 01.01.2018-ci il tarixdə İstanbul-Bakı reysi ilə Azərbaycana gəlmiş İran vətəndaşları 06.12.1979-cu il təvəllüdlü Muhəmmədi Zeynəb Kiomərz qızı və övladı 21.03.2009-cu il təvəllüdlü Pərvəreş Pəniz Əli qızı olması müəyyənləşdirilib. Bu şəxslərin saxta pasportları İstanbul şəhərində tanışları olan Məhəmməd adlı İran vətəndaşından 15000 ABŞ dolları məbləğində pulun müqabilində əldə etdikləri məlum olub.

Hazırda fakt üzrə cinayət işi başlanaraq müvafiq əməliyyat-istintaq tədbirləri davam etdirilir.

Məqalədə:
Xəbər lenti

Xəbər lenti