...

Təhsil Nazirliyi Rumıniyaya 4 tələbə göndərir

Cəmiyyət Materials 21 Avqust 2018 14:23 (UTC +04:00)
Rumıniya təhsil təqaüd proqramının nəticələri açıqlanıb.
Təhsil Nazirliyi Rumıniyaya 4 tələbə göndərir

Bakı. Trend:

Hökumətlərarası Təqaüd Proqramları çərçivəsində 2018-19-cu tədris ili üçün Rumıniya təhsil təqaüd proqramının nəticələri açıqlanıb.

Azərbaycan Təhsil Nazirliyindən Trend-ə verilən məlumata görə, Rumıniyanın Gənclər, Tədqiqat və Təhsil Nazirliyi ilə uğurlu əməkdaşlığın nəticəsi olaraq 4 Azərbaycan vətəndaşı 2018-19-cu tədris ili üzrə Rumıniya universitetlərində təhsil almaq imkanı qazanıb.

Seçim barədə Rumıniya tərəfindən verilən yekun qərar nəticəsində 4 nəfər “University of Bucharest”, “Babeș-Bolyai University”, “Universitatea „Alexandru Ioan Cuza din Iași” və “Oil & Gas University of Ploiești” ali təhsil müəssisələrində mühəndislik, biologiya və biznes ixtisasları üzrə magistratura (3 nəfər) və doktorantura (1 nəfər) səviyyələri üzrə təhsil almaq hüququ qazanıb.

Qeyd edək ki, müvafiq təqaüd proqramı barədə cari ilin 1 fevral tarixində elan verilib.

Məqalədə:
Xəbər lenti

Xəbər lenti