...

Azərbaycanda 200 ildə 418 vulkan püskürüb – İlk dəfə 1810-cu ildə

Cəmiyyət Materials 13 Dekabr 2018 07:45 (UTC +04:00)
Azərbaycanda ilk vulkan püskürməsi 1810-cu ildə Xəzərdə qeydə alınıb.
Azərbaycanda 200 ildə 418 vulkan püskürüb – İlk dəfə 1810-cu ildə

Trend-i buradan izləyin

Bakı. İlhamə İsabalayeva – Trend:

Azərbaycanda ilk vulkan püskürməsi 1810-cu ildə Xəzərdə qeydə alınıb. Ötən 200 il ərzində Azərbaycanda (həm quru sahədə, həm də Xəzərin Azərbaycan sektorunda) 93 vulkanda 418 püskürmə olub.

Bunu Trend-ə AMEA-nın Geologiya və Geofizika İnstitutunun Palçıq vulkanizmi şöbəsinin rəhbəri, geologiya-mineralogiya elmləri doktoru, professor Adil Əliyev deyib.

Onun sözlərinə görə, Azərbaycanda 353 vulkan var ki, onun 200-ü quru sahədədir. Quru sahədə olan vulkanların 60 faizi püskürmür:

”Çünki adətən püskürmələr arasında vulkanın krater sahəsində mikroform qrupu yaranaraq Yer səthinə arasıkəsilmədən qaz, su, palçıq, lehmə çıxır. Bu prosesin aktiv getdiyi ərazilərdə vulkan daha püskürmür, çünki enerji artıq çıxarılır. Nadir hallarda bəzi vulkanların qrifon-salza fəaliyyəti çox zəif olduqda püskürmə baş verir. Məsələn, Qobustandakı Şıxzərli vulkanı hər 2-3 ildən bir püskürür”.

A.Əliyev vurğulayıb ki, Abşeron yarımadasında – Binəqədi qəsəbəsinin yaxınlığındakı Keyrəki, Lökbatan qəsəbəsinin yaxınlığındakı Lökbatan, Şamaxı-Qobustan bölgəsində Quşçu, Şıxzərli vulkanları tez-tez püskürür: “Digər vulkanlar isə müxtəlif intervallarla 5-10 ildən, bəziləri 25 ildən sonra püskürürlər".

Məqalədə:
Xəbər lenti

Xəbər lenti