...

Transplantasiya üçün xəstəxanalarla yanaşı, ayrı-ayrı həkimlərə də icazənin verilməsi təklif edilir

Cəmiyyət Materials 12 Mart 2019 16:11 (UTC +04:00)
Azərbaycanda orqan transplantasiyasının aparılması üçün dövlət tərəfindən icazənin yalnız xəstəxanalara deyil, ayrı-ayrı həkimlərə də verilməsi təklif edilir.
Transplantasiya üçün xəstəxanalarla yanaşı, ayrı-ayrı həkimlərə də icazənin verilməsi təklif edilir

Bakı. İlhamə İsabalayeva - Trend:

Azərbaycanda orqan transplantasiyasının aparılması üçün dövlət tərəfindən icazənin yalnız xəstəxanalara deyil, ayrı-ayrı həkimlərə də verilməsi təklif edilir.

Trend-in məlumatına görə, bunu tibb elmləri doktoru Nuru Bayramov Milli Məclisin Səhiyyə komitəsinin iclasında orqan transplantasiyası üzrə keçirilən dinləmələrdə çıxış edərkən deyib.

Onun sözlərinə görə, hazırkı qanunvericiliyə əsasən, transplantasiyanın aparılması üçün icazə həkimlərə deyil, yalnız xəstəxanalara verir:

“Amma dünya təcrübəsində həkimlərə də orqan tranplantasiyasının aparılması üçün icazə verilir. Ona görə də dünya təcrübəsində olduğu kimi, Azərbaycanda da xəstəxanalarla yanaşı, mütəxəssislərə də tranplantasiyanın aparılması üçün icazə verilsin”.

Məqalədə:
Xəbər lenti

Xəbər lenti