Bakı. Samir Əli - Trend:
Şəmkir rayonunda sərnişin avtobusunun aşması nəticəsində 9 nəfər xəstəxanaya yerləşdirilib.
Bu barədə Trend-ə açıqlamasında Şəmkir Rayon Mərkəzi Xəstəxanasının baş həkimi Ayaz İbrahimov deyib.
Baş həkim bildirib ki, hazırda xəstələrdən 4 nəfər reanimasiyada, 5-i isə palata şəraitində müalicə olunur: "Hadisə nəticəsində 3 nəfər dünyasını dəyişib. Xəsarət alanlardan 1-nin vəziyyəti ağır, qalanların vəziyyəti orta ağırdır".
Xatırladaq ki, Şəmkir rayonu ərazisində, Şəmkir-Qaracəmilli yolunda hərəkətdə olan sərnişin avtobusu idarəetməni itirərək aşıb.